د چين د بين المللی راډيود خبريال د خبر له مخی ، د پاکستان جمهوررييس مشرف د می په ٣١نيټه د تيلفون له لاري د هند له پخوانی صدراعظم واجپايی څخه هيله وکړه چه د دواړو هيوادونو ترمنځ د سوله ايز بهير د پرمخبيولو لپاره په مداومه توګه خپل رول ولوبوي .
د پاکستان د اطلاعاتو وزير شيخ رشيد په همدي ورځ وويل چه مشرف د تيلفونی خبرو په ترڅ کی د واجپايي د هغو هلوځلو لوړه قدردانی وکړه چه د دواړو هيوادونو ترمنځ د موجودو ستونزو د ليري کولو په برخه کی يي کړی دی . دواړو خواوو په تيلفونی خبرو کی د سوله ايز بهير د پرله پسی پرمخبيولو په ضرورت باندي ټينګار وکړ او دا نظريه يي څرګنده کړه چه د دواړو هيوادونو ترمنځ د ديالوګ په ګټه رامنځ ته شوي فضا بايد وساتل شي او هند او پاکستان بايد د دوستانه فضا د خرابولو کومه خبره ونه کړي . دغه شان دواړه خواوی بايدد باهمی اعتماد د ټينګتيا په هکله د تدبيرونود نيولو لپاره خپلو هلوځلو ته دوام ورکړي .
