د چين د بين المللی راډيو د خبر له مخی، د چين د يوولسو تنو هغو انجنيری پرسونلو د مړيو جسدونه کوم چه په افغانستان کښی له تروريستی حملې سره د مخامخيدو له امله مړه شول، د روانې مياشتې په څوارلسمه نيټه نيمه شپه د چين د مخصوصې الوتکې په وسيله د چين د جيانګ سی ولايت مرکز يعنی د نان چيانګ ښار ته بيرته ستانه شويدی٠
د چين د خارجه چارو او تجارتی چارو د وزارتونو، د جيانګ سی ولايت د حکومت او نورو مربوطو څانګو نماينده ګانو ، د مړه شويو کارګرو د کورنيو غړو او د افغانستان د عامه فوايد د وزارت مامور چه د نوموړو جسدونو د سپارلو دپاره چين ته راغلی ، په هوايی ميدان کښی د مړيو د جسدونو د تسليمولو او منلو په مراسمو کښی برخه واخيستله٠
برسيره پردی د چين څلور تنه ټپيان شوی کارګر هم په همدې شپه د چين د يوې بلې مخصوصې الوتکې په وسيله د چين د شان دونګ ولايت مرکز يعنی د جی نان ښار ته بيرته ستانه شوی او ورپسی ولايتی روغتون ته سپارل شويدی٠
