د سين هوا اژانس د خبر له مخی ، د امريکی د خارجه وزارت نطاق ريچارد بوچير د جون په ٢١ نيټه وويل چه د امريکی حکومت د ذروي امنيت د مسئلې په باب د پاکستان او هند ترمنځ دخبرواترو له امله هرکلی کوی .
بوچير په همدي ورځ په مطبوعاتی کنفرانس کی وويل ، د امريکی حکومت په خوښۍ سره وليدل چه په دي وروستيو وختونو کی د هند او پاکستان ترمنځ يو لړ خبرې اترې شوی دي . امريکا د دغو دوو هيوادونو د هغو هلوځلو ډيره قدردانی کوي چه د خپل منځی خړپړتيا د کمښت لپاره يي کړی دي .
د هند او پاکستان ديپلوماتيکو مامورينو د جون په ١٩ او٢٠ نيټه د ذروی امنيت په هکله سره خبرې اترې وکړې چه دا له هغه وخته راپديخوا د نوموړي مسئلی په هکله د دواړو هيوادونوترمنځ لومړنی خبری اترې وې کوم چه په ١٩٩٨ کال کی دواړو هيوادونو په وار سره ذروي ازموينی ترسره کړی وې .
