په چين کی زلميانو او کوچنيانو ته د وطن دوستې روزنې د ورکولو لپاره د کتابونو لوستلو د ١٢ مې دورې فعاليت د جون په نيمايي کی د جي لين ولايت په مرکز چانګ چون ښار کی شروع شو ٠ د چين د ملي ولسي کانګرس د دايمي کميټې مرستياله او د ښځو د ملي اتحاديي رييسه ميرمنې ګو سيو ليان دې فعاليت ته په يوه تبريکيه ليک کی وويل چه د ١١ کالو راهيسي ، د کتابونو د لوستلو فعاليت تل زلميانو او کوچنيانو ته د ايديالوجيکي او اخلاقي روزنې د ورکولو په سمې لور باندی ټينګار کړی او د زلميانو او کوچنيانو د سالمي ودې لپاره يي خدمت تر سره کړی چه نه يوازی يي ښه ثمرونه تر لاسه کړی ، بلکي يي پراخه ټولنيزه اغيزه هم رامنځ ته کړيده ٠
د معلوماتو له مخي ، په چين کی زلميانو او کوچنيانو ته د وطن دوستې روزنې د ور کولولپاره د کتابونو د لوستلو فعاليت په ١٩٩٣ کال کی شروع شوي او له هغه وخت راهيسي ، په ٢٦ ولايتونو ، خودمختارو سيمو او ښارونو کی په عمومي توګه ٣٩٠ مليونو تنو زلميانو او کوچنيانو د وطن دوستې ايديالوجۍ او اخلاق روزنه منلي ده
ميرمنې ګو سيو ليان په ليک کی دې ته اشاره وکړه څرنګه چه نابالغو کسانو ته د ايديالوجکي او اخلاقي روزني ور کول د هيواد د راتلونکې او د ملت له برخليک سره
نژدې اړيکي لري ، نود چين د کمونست ګوند مرکزي کميټه ور ته په ډيره درنه سترګه ګوري ٠
اوس د لوستلو وړ کتابونه د زلميانو او کوچنيانو د عمرونو سره سم په بيلا بيلو شکلونو چاپ شوي او محتويات يي عمده هغې ژوندي اواغيزه مني کيسې دي چه د نابالغو کسانو له ژوند سره نژدي اړيکی لري اومعلوماتي،د علاقې وړ اوعلمي خصوصيتونه لري ٠
دغه فعاليت به هم د مقالو د راټولولو د مسابقې ، د کيسو ويلو د مسابقې ، د وينا کولو د مسابقی او په کمپيوتري شبکه کی د معلوماتي مسابقې په شکلونو سره ،د کتابونو لوستل له اخلاقي روزنې سره وتړي څو چه ګڼ شمير زلميان او کوچنيان په فعاليت کی د ګډون له لاري په پر له پسي توګه خپله اخلاقي سويه لوړه کړي ٠
