د چين د بين المللي راډيو د خبريال د خبر له مخې د هند او پاکستان حکومتي مامورينو د جون په دوه ويشتمه نيټه په نوي ډيلي کې د هندد سيند د اوبو د منابعوڅخه د ګډې استفادي د مسئلې په باب د يوي ورځې له پاره خبرې اترې وکړي ٠ د خبرو اترو نه وروسته د دواړو خواوو له خوا يوه ګډه اعلاميه خپره شوه ٠ د هند استازي او د هغه هيواد د اوبود منابعو سکرتر دوګال وويل چه په خبرو اترو کې دواړه خواوي د نوموړي مسئلي په اړه د اختلافونو د حل وفصل د طريقې په هکله اساسأ موافقي ته رسيدلي دي ٠ هند موافقه وکړه چه د پاکستاني پيشنهاد له مخې په نوموړي سيند کې د بريښنا د توليدولو د مرکز د پروژۍ په هکله ځيني اصلاحات راوړي ٠ د پاکستان استازي او د هغه هيواد د اوبو او بريښنا سکرتر محمود وويل چه په خبرو اترو کې د دواړو خواوو له پاره ګټوري نتيجې ترلاسه شوي دي ٠