د سين خوا اژانس د پاکستان د مطبوعاتی ذرايعو د جون د ٢٥نيټې د راپورونو له مخی خبر ورکړ چه د پاکستان د خارجه وزارت نطاق مسعود خان په ٢٤ نيټه ماښام وويل ، پاکستان د هند دصدراعظم سينګ د هغه څرګندونو له امله خوښی کوی کوم چه ويلی يی دی - هند به د هند او پاکستان ترمنځ د سوله ايز بهير د پرمخبيولو لپاره هڅه وکړی .
هغه زياته کړه، پاکستان دا قوی ارزو لري چه د دواړو هيوادونو ترمنځ د موجودو ټولو مهمو موضوعاتو په هکله موافقی ته ورسيږي .
سينګ د جون په ٢٤ نيټه د هند د صدراعظم په توګه خپلو ټولو هيوادوالو ته په لومړنی وينا کی څرګنده کړه چه هند به له پاکستان سره د هراړخيز ديالوګ د بهير د پرمخبيولو لپاره مثبت کوشش وکړی او غواړي چه د کشمير د مسئلې په شمول د دواړو هيوادونو ترمنځ په موجودو ټولو موضوعاتو باندی بحث وکړي اود حل لاره ور ته ولټوی .
