د چين د بين المللی راډيو د خبريال د خبر له مخی ، د پاکستان او هندترمنځ د خارجه چارو د سکرتريت په درجه خبری اتری چه دوه ورځی يي دوام درلود، نن سهار ( د جون په ٢٨ نيټه ) په نوي ډيلی کی پاي ته ورسيدې .
د خبرواترو په ترڅ کی د پاکستان د خارجه چارو سکرتر رياض کوکر او د هند د خارجه چارو سکرتر شې شنک په جلا جلا توګه د خپل هيواد د هيات په مشرۍ د دواړو هيوادونو په روابطو کی د کشمير د مسئلی او د باهمی اعتماد د تدبيرونو د نيولو، د خپلی سيمی د سولی او امنيت د ساتلو په شمول په يو لړ موضوعاتو باندي بحثونه وکړل .
د هند د بهرنيو چارو وزير سينګ د نوموړو خبرواترو نه وروسته د دواړ و خواوو له استازيو سره وکتل او و يي ويل چه نوموړی خبری اتری مثبتې او مثمری دی او د دواړو خواوو دراتلونکو کارونو لپاره يي بنسټ ايښودلی دی . ښاغلی رياض کوکر د خبرواترو له نتيجو څخه خپله خوښی هم څرګنده کړه .
