د چين د بين المللی راډيو د خبريال دخبر له مخی ، د پاکستان جمهوررييس مشرف د جولاي په ٣١ نيټه په راولپنډی کی په دی ټينګار وکړ چه بايد د کشمير په شمول د ټولو مسئلو په باره کی د پاکستان او هند د ديالوګ د بهير د ګړندی کولو او د اړوندو برياليتوبونو د ترلاسه کولو لپاره هلی ځلی وکړی شی .
په همدی ورځ ښاغلی مشرف ديوی غونډی په جوړولو سره د پاکستان او هند ترمنځ د هراړخيز ديالوګ د بهير په هکله د هغه هيواد د خارجه وزارت او نورو اړوندو څانګو راپورونه واوريدل . هغه وويل چه د پاکستان او هند ترمنځ هراړخيز ديالوګ د کشمير په شمول د ټولو کشالو حل وفصل ته ګټه لری او د جنوبي اسيا د سولی او ثبات د ساتلو لپاره هم ګټور دی .
