|
د سينهوا اژانس د خبر له مخې د المان د ملي دفاع د وزارت وياند د اګيست په ٤ نيټه په برلين کې اعلام وکړ چې المان به د افغانستان فيض اباد سيمې ته نور ٦٠ تنه پوځيان وروليږي ٠ نوموړي وياند وويل د المان د پوځ يوه بله ډله به چې د اتياوو تنو پوځيانو لخوا جوړه شوې د اګيست په دوهمو لسو ورځو کې نوموړي سيمې ته هم وروليږل شي او په هغه سيمه کې د ټولنيزې ارامي د ساتنې دنده په غاړه واخلي ٠نو په دې وجه د اکتوبر په مياشت کې د افغانستان د جمهوري رياست د انتخاباتو په موده کې به په دې سيمه کې د الماني پوځيانو شمير يو سلو څلويښتو تنو ته ورسيږي ٠ تراوسه پوري المان افغانستان ته تقريبأ پنځلس سوه تنه پوځيان ورليږلي دي ٠
|
