د سي ار اې راډيو د خبر لمخې د هند صدراعظم منموهان سينګ د اګست په ٢٨ نيټه د پاکستان د نوي صدراعظم شوکت عزيز په عنوان تبريکيه تلګرام کي دا څرګنده کړه چه هند به د پاکستان سره د دوستانه همکارۍ روابطو ته پياوړي کړي ٠ سينګ په تلګرام کي هيله وکړه چه د هند او پاکستان ترمنځ د روابطو د سالم پرمختګ په موقع کې د خپلي منځې سوله ايز ديالوګ بهير نورهم چټک شي ٠ هغه وويل چه د وروستې يوې مودې راهيسي د مکرر ولسي تګ راتګ له لارې د سولې او ښه ګاونډيتوب د رامنځته کيدو په هکله د دواړو هيوادو د خلکو قوي أرزو ښکاره شوې ده ٠ هغه زياته کړه چه د شوکت عزيز سره يو ځاي به د سيمه ايزې سولې د ساتلو او د غربت د ليري کولو دپاره کوشش وکړي څو چه د دواړو هيوادو خلک د دوه اړخيزو روابطو روښانه أينده ليدلي شي
