د چين د بين المللی راډيو دخبريا ل د خبر له مخی ، د هند صدراعظم مانموخان سينګ او د پاکستان جمهوررييس پرويز مشرف د سپټمبر په ٢٤ نيټه په نيويارک کی سره ملاقات وکړ او دواړو خواوو دا ومنله چه په مداومه توګه به د سوله ايزو خبرواترو له لاری د دواړو هيوادونو ترمنځ کشالی ليری کړی .
نوموړو دواړو مشرانو د خبرواترو نه وروسته په خپره شوی ګډه اعلاميه کی ويلی چه دواړه خواوی به د سوله ايزو خبرواترو له لاری د کشمير د کشالی د ليری کولو لارې چارې ولټوی او په عين وخت کی به په پرله پسی ډول د باهمی اعتماد د پياوړتيا لپاره هلې ځلی وکړی .
د خبرواترو نه وروسته جمهوررييس مشرف دا هيله څرګنده کړه چه نوموړی خبری اتری به د هند او پاکستان د روابطو انکشاف ته ګټه ورسوی . د هند صدراعظم سينګ وويل چه دا ورځی تاريخی اهميت درلود او د هند او پاکستان روابط يی يوی نوی مرحلی ته رسولی دي .
