د سينهوا اژانس د خبر له مخې د چين د دولت رئيس هو جين تاو د نوامبر په څلورمه نيټه د افغانستان د جمهوررئيس په توګه د حامد کرزي د ټاکل کيدو له امله د مبارکي تلګرام مخابره کړ٠ رئيس هو جين تاو په خپل تلګرام کې وويل د افغانستان د اسلامي جمهوريت د جمهوررئيس په حيث د تاسو د ټاکل کيدو په موقع کې زه د خپل ځان او د چين د حکومت او خلکو په استازيتوب تاسو او د افغانستان خلکو ته د زړه له کومي مبارکي او نيکې هيلې څرګندوم ، زه باور لرم چې ستاسو تر مشرۍ ﻻندې به د افغانستان حکومت او خلک د سولې او د هيواد د بيا رغونې د بهير د پرمخبيولو په برخه کې نوي برياليتوبونه ترلاسه کړي او د سيمه ايزې سولې او ثبات د ساتنې اود پرمختګ د پرمخبيولو دپاره مثبت خدمتونه ترسره کړي ٠ زه هيله لرم چې ستاسو سره يو ځای د چين او افغانستان ترمنځ د نيک ګاونډيتوب ، دوستۍ او د متقابلو ګټو پر اساس د خپلو منځي همکاريو د ﻻ ښکلې ايندې د رامنځته کيدو دپاره ګډ کوشش وکړو٠
