د چين د بين المللی راډيو د خبر له مخی ، خبريال د روانی مياشتی په ٥نيټه له يوی اړوندې غونډی نه خبر اخيستی دی چه په بيجينګ کی د ٢٠٠٨کال اولمپيک د ګرين لوبو د اجراکولو لپاره پلان ټاکل شوی دی . ددی پلان سره سم به د راتلونکو درو کالو په اوږدو کی د بيجينګ ښاروالی د چاپيريال د ښکلا او پاکوالی په اړه د شلو لويو پروژو لپاره ١٢ مليارده ٢ سوه مليونه امريکايی ډالره مصرف کړی .
د معلوماتو له مخی ، تر ٢٠٠٧ کاله پوری به د بيجينګ په ښار کی په سلو کی ٥٠ سيمه د ونو له ګڼ ګور سيوری څخه برخوردار وی . هغه پنځوس غټ اوپراخ چمنونه به رامنځ ته شی چه د هر يو مساحت به يی له لسو زرو مربع مترو نه زيات وی . دغه راز د بيجينګ په ښاري سيمو او شاوخواؤ ښارګوټيو کی د اوسيدونکو د ژوندانه او د صنعتی توليداتو په بهيرکی پيدا شوی ټول کثافات به تر بی ضرر رسوونکی اداری لاندی ونيول شی .