د چين د بينالمللي راډيو د خبر له مخې د چين د دولت رئيس هو جين تاو د دسمبر په ١٦ نيټه په بيجنګ کې د پاکستان د صدراعظم شوکت عزيز سره د کتنې په ترڅ کې وويل چين به په مداومه توګه د چين او پاکستان ترمنځ دوستۍ ته ټينګتيا ورکړي او په ټينګه سره د چين او پاکستان ترمنځ د هراړخيزي همکاري مناسباتو ته انکشاف ورکړي ٠ هوجين تاو وويل په نوي پيړۍ کې د داخليدو نه وروسته د چين او پاکستان ترمنځ مناسبات په مداومه او ثابته توګه انکشاف مومي ،په مختلفو ساحو کې د دواړو خواوو همکاري د ليدو وړ ثمرونه ترلاسه کړي دي ، چين له دې امله خوښي څرګندوي ٠ د پاکستان صدراعظم شوکت عزيز د کتنې په بهير کې د نړيوالې سولې د ساتنې او د ګډ انکشاف د پرمخبيولو په برخو کې د چين د مهم رول مثبته ارزيابي وکړه ، هغه وويل پاکستان هيله لري چې د چين سره د دواړو هيوادونو ترمنځ د دوستۍ او همکاري د هراړخيز پرمختګ دپاره ګډ کوشش وکړي ٠