د ٢٠٠٤م کال د دسمبر په شپږويشتمه نيټه د اندونيزيا د سوماترا ټاپو ته نژدي په سمندری سيمو کي د زلزلې او د زلزلې له امله د رامنځته شوی سختو سمندری څپو په اثر، د هندی سمندر په شاوخوا کي اوو اسيايي هېوادونو او يو افريقايی هېواد ته د سر و مال زيات تايوانونه رسول شويدی چه د٢٠٠٥م کال د جنوری تر پنځمی نيټی پوري څه د پاسه يولک پنځوس زره تنه مړه شويدي ٠ د متخصص په قول دغه زلزله د سلو کلونو راهيسی پنځمه سخته زلزله ده ٠
د سلو کالو راهيسی ډېرې سختې زلزلې دا وې :
په ١٩٦٠م کال کی په چيلی کی د ريکتور د نهو اعشاريه پنځه درجو په سختوالي زلزله وشوه ٠
په ١٩٦٤م کال کی د امريکی په الاسګا ايالت کی د ريکتور د نهو اعشاريه دوو درجو او په ١٩٥٧م کال کی په نوموړی ايالت کی د ريکتور د نهو اعشاريه يو درجو په سختوالې زلزلې پيښې شوې ٠ 
په ١٩٥٢ک کال کی په روسيه کی د ريکتور د نهو درجو په ستختوالی زلزله وشوه٠
د دوو سوو کالو راهيسی ډېرې سختې سمندری څپې دا وې:
د ١٨٨٣م کال د اګست په اوه ويشتمه نيټه د کلکتو اورغورځونکي غره د انفجار په اثر سختې سمندري څپې رامنځته شوې او شپږ ديرش زره تنه پکي مړه شول ٠
کله چه د ١٨٩٦م کال د جون په پنځلسمه نيټه ډېر جاپانيان د جشن د نمانځلو
لپاره د بحر په غاړه کی راټوليدل ، ناڅاپه سختې سمندری څپې راپورته شوي او په نتيجه کی شپږ ويشت زره تنه مړه شول٠
د ١٩٧٦م کال د اګست په شپاړسمه نيټه ، په فيليپين کی د سمندری څپو په اثر څه دپاسه پنځه شوه تنه مړه شول٠
د ١٩٩٨م کال د جولی په اوه لسمه نيټه په ګينه کی سختې سمندری څپې وشوې او په نتيجه کی څه دپاسه دوه زره تنه مړه شول او د زرګونو کورنی بحران شويدی٠
د ١٩٦٠م کال د می په دوويشتمه نيټه په ارام بحر کی د زلزلې له امله سختې سمندری څپې وشوې ، په چلی کی يو زر تنه پکی مړه او په هاويی کی يوشپېته تنه مړه شول٠
