ګرانو اوريدونکو ، د راډيويی څپو له لاری د چينی ژبی لوست په پروګرام کی لومړنی برخه چه چين ته د خارجيانو د لومړنی سفر په بهيرکی زياتې استعماليدونکې چينی جملې پکی شاملی دي ، تاسو ته درزده کړی او ورپسی ځينی مهمی جملی هم مکررې شوی وې . په دی بهير کی اوريدونکودوستانو نه يوازی پر وخت د راډيويی څپو له لاری نوموړی پروګرام واوريد ، بلکه يی د انترنيټ له لاری دغه پروګرام ته هم پام ورکړی دی . د خاصې خوښی وړ خبره خو دا ده چه ځينوپښتنو دوستانو په خپلو راليږل شويو ليکونو کی په چينايی ژبه خطونه کښلی ؤ . له دی امله مونږ ډير خوشحاله شو او دغو دوستانو ته د زړه له کومی مننه څرګندوو. مونږ هيله من يو چه وروسته به اوريدونکی دوستان په پر له پسی ډول نوموړی پروګرام ته پام ورکړی . د چينی ژبی د لوست په ترڅ کی که تاسی کوم ګټور پيشنهاد وړاندی کړئ ،نو حتمأ به زمونږ د خوښی او منلو وړ وګرځی .
مونږ وعده وکړه چه دچينی ژبی د لوست د لومړنی برخی د پای ته رسيدو نه وروسته او د نويو لوستونو د پيل نه مخکی به يوه اړونده ازموينه رامنځ ته کړو . اوس به د نوموړی وعدی سره سم دغه ازموينه پيل کړو او هيله لرو چه تاسو به په فعاله توګه ور ته حاضر شئ . تاسو کولای شی چه اړوند ځوابونه به په کسټونو کی ټيپ کړئ او بيا به د راتلونکی مارچ تر٣١نيټې پوری به مونږ ته راوليږئ . د هغو دوستانو لپاره چه په خپل کور يا دفتر کی کمپيوترونه نصب شوی ،ښه به دا وی چه له خپلو کسټونو څخه پرته ، هغه پاڼې چه ورباندی به په چينی ژبه خطونه وليکل شی ،
هم راوليږی ترڅو د ازموينی د پای ته رسيدو نه وروسته به مونږ تری سم او ښکلی ځوابيه پاڼی او کسټونه انتخاب کړو او د انترنيټ له لاری به يی اعلان کړو . دغه راز به په نوموړی ازموينه کی ټولو برخه والو ته د يادګار په توګه يو وړوکی سوغات واستوو .
---- د ازموينی لپاره سوالونه ----
مهربانی وکړئ چه لاندنی پښتو جملی په چينايی ژبه ترجمه کړئ :
０) ----- چين ته ستاسو د سفر هرکلی کوو !
１) ----- مونږ به په کوم هوټل کی ځای ونيسو ؟
２) ----- ايا د تيلفون او کوټی نمبر يو دی ؟
３) ----- ته د کوم هيواد يی ؟ زه افغان يم .
４) ---- نن څه پروګرام دی ؟ نن به مونږ د لوی ديوال سيل وکړو .
５) ---- مونږ به په کوم ځای کی سره وعده کيدو ؟ ددی ودانۍ په دروازه کی به سره ووينو .
６) --- نن هوا څنګه ده ؟ نن ډيره ګرمی ده .
７) --- خپل پاسپورټ ما ته وښيه !
ګرانو اوريدونکو ، هيله ده چه په دی ازموينه کی ستاسو بريالی اوسی .
