د چين د بين المللی راډيو د خبر له مخی، د پاکستان د خارجه چارو د وزارت نطاق مسعود خان د جنورۍ په اوولسمه نيټه په اسلام اباد کښی وويل چه د پاکستان او هند د دفاعی څانګو مامورينو د ټاکلی وخت نه مخکښی د دواړو هيوادونو د سرحدی سيمې د سير کريک په خليج کښی ګډې پلټنې پای ته رسولې دی ٠ اوس دواړه خواوې د راتلونکو مربوطو خبرو اترو دپاره تياری نيسی ٠
د سيرکريک د خليج سيمه د پاکستان د صوبه سند او د هند د ګوجرات ايالت په منځ کښی پرته ده او پکښی د نفتو او ګاز د غنی منابعو ذخيره شته٠ له ١٩٦٩ کال نه تر اوسه پوری دواړو هيوادونو د دی خليج د شخړې په باب څو ځله خبرې وکړې٠ د دې سيمې د سرحدی کرښې د ټاکلو په باب خبرې اترې هم د پاکستان او هند ترمنځ د اوسنی هراړخيز ديالوګ په بهير کښی له هغو اتو موضوعاتو څخه شميرل کيږی کوم چه بايد ورباندی بحث وشی ٠
