د سي ار اې راډيو د خبريال د خبر لمخې د پاکستان د خارجه وزارت نطاق مسعود خان د روانې مياشتې په اتلسمه نيټه وويل چه پاکستان پريکړه وکړه چه د هند او پاکستان ترمنځ د اوبو د متنازع بند د جوړولو په هکله د نړيوال بانک حکميت ولټوي ٠ د پاکستان لخوا په خپره شوي رسمي اعلاميه کي ويل شويدي چه پاکستان ددې مسئلې د حل دپاره تر ممکنه حده پوري کوشش کړيدی ، نو اوس يوازي د نړيوال بانک حکميت لټوي ٠ د خبر لمخې هند د چيناب په نامه د هند سيند په فرعي سيند باندي د اوبو د بند په جوړولو بوخت دی ، د هند په نظر دغه پروژه د هند سيند د اوبو د منابعو په باب د هند او پاکستان لخوا د لاسليک شوي تړون په خلاف نده ، خو پاکستان ددې پروژې د ډيزاين او نورو اړوندو موضوعاتو په مقابل کي مخالفه نظريه لري ٠