دا ښکلی وطن زمونږه تن د زړه ټکور دی
دام د مينې کور دی
دا په مونږه ګران د هر افغان د سترګو تور دی
دام د مينې کور دی
شاړي دي که غرونه دي
د شتې که باغونه دي
ترخې که ګلونه دي
هر څه کې خوندونه دي
زوږ کې د سيندونو جوړ د مينې ټنګ ټکور دی
دام د مينې کور دی
خاورې شګې يې زرګڼو
کڼکې يې جمدرګڼو
ژوند په کې اختر ګڼو
هر څه نه يې بهتر ګڼو
تل ترې قربان شوی زوړ او ځوان د عشق په زور دی
دام د مينې کور دی
دام د مينې کور دی
دا د ابدالي مينه
دا د ننګيالي مينه
دا د جنګيالي مينه
دا غوره عالی مينه
دلته اوسيدونکی يو د بل سکنی ورور دی
دام د مينې کور دی
دام د مينې کور دی
دا وطن ليلا زمونږ
ده ملي حيا زمونږ
بوټي يې دوا زمونږ
ژوند او روح او سا زمونږ
عشق د ترقۍ يې د سېلاب په زړه کې اور دی
دام د مينې کور دی
دام د مينې کور دی
کابل ـــ راډيو د هنر څانګه
١٧ ـــ ٥ ـــ ١٣٥١