د چين د بين المللی راډيو د خبريال د خبر له مخی د چين صدراعظم وين جيا باو د بلنی په وجه پاکستان ، بنګله ديش ، سری لانکی او هند ته د رسمی سفر لپاره د اپريل په ٥ نيټه د چين له مرکز بيجينګ څخه حرکت وکړ . د سفر په موده کی به وين جيا باو په اسلام اباد کی د اسيا د همکاری او ديالوګ په هکله د خارجه وزيرانو د ٤می غونډی په افتتاحيه مراسمو کی هم برخه واخلی .
پاکستان دده د اوسنی سفر لومړنی هيواد دی او د هغه هيواد له صدراعظم شوکت عزيز سره د خبرواترو او له جمهوررييس مشرف سره د کتنی نه پرته ، د چين او پاکستان د ځوانانو له استازيو سره به هم وګوری او د چين او پاکستان ترمنځ د تجارتی همکاری په غونډه کی به هم برخه واخلی .
