د چين د بين المللی راډيو د خبر له مخی خبريال د شنجيانګ د مربوطی څانګی نه خبر اخستی دی چه د چين د شينجيانګ د ويغوری قوم د خودمختاری سيمی او قزاقستان تر منځ به نوری ٦ اوسپنيزی لاری پرانستلی شی او په هغه وخت کښی به د دواړو هيوادونو تر منځ ٣٦ اوسپنيزی لاری دحمل او نقل دپاره خدمت وکړی ٠ د خبر له مخی اوس د چين او قزاقستان د دواړو هيوادونو تر منځ اقتصادی او تجارتی راکړی ورکړی مخ په زياتيدو دی او اورګاډی يی په منظم ډول ځی او راځی ٠ تير کال د دواړو هيوادونو تر منځ د حمل او نقل حجم يو لک ٥٠ زرو تنو مسافرينو او ٨ لکو ټنو مالونو ته ورسيدل ٠ شينجيانګ په چين کښی تر نورو ولايتونو نه زيات بندرونه خارج ته ورخلاص کړی او له نورو بهرنيو هيوادونو او سيمو سره يی زياتی او اوږدی ترانسورتی کرښی هواری کړی دی چه د پاکستان او قيرغيزستان په شمول د شاو خواوو هيوادونو سره يی ترانسپورتی لاری په حمل او نقل بوختی دی ٠