د چين د بين المللی راډيو د خبريال د خبر له مخی ، د هند صدراعظم منموهن سينګ د اپريل په ١٢ نيټه په نوی ډيلی کی دا ارزو څرګنده کړه چه د پاکستان له جمهوررييس پرويز مشرف سره به ارزښتناکی خبری اتری وکړي . جمهوررييس پرويز مشرف به د کرکټ لوبو د سيالی د ننداره کولو لپاره د اپريل په ١٦ نيټه هند ته ولاړشی .
د هند د مطبوعاتی ذرايعو د خبرونو له مخی په همدی ورځ صدراعظم سينګ د صدرات په ماڼۍ کی وويل ، که څه هم هند ته د مشرف راتګ رسمی سفر نه دی ،خو د هند لوری لا هم غواړی چه د کشمير ، د باهمی اعتماد د پياوړتيا او سيمه ايز امنيت په شمول د موضوعاتو په باره کی ورسره خبری اتری وکړي .
سينګ دا هم څرګنده کړه چه د جنوبی اسيا د مختلفو هيوادونو مشران بايد په خپل منځ کی غير رسمی اړيکی زياتې کړی او د ګډی علاقی وړ مسئلو د څيړنی لپاره به لا زيات فرصتونه برابر کړی .
