دچين د بين المللی راډيو د خبريال د خبر له مخی ، د هند صدراعظم منموهن سينګ د اپريل په ١٧ نيټه په نوی ډيلی کی د پاکستان له جمهوررييس پرويز مشرف سره خبری اتری وکړې او دواړو خواؤ موافقه وکړه چه په اقتصادی ، تجارتی او ترانسپورټی ساحو کی د دواړو هيوادونو ترمنځ اړيکی نوره هم پياوړی کړی شی .
د خبرواترو په ترڅ کی د دواړو هيوادونو مشرانو د هند او پاکستان په سوله ايز بهير کی د مختلفو موضوعاتو په باره کی سره مشوری وکړې . دواړو خواؤ موافقه وکړه چه يوه ګډه تجارتی کميټه به جوړه شی ترڅو د دواړو هيوادونو ترمنځ اقتصادی او تجارتی اړيکی پرمخبوزی . په کشمير کی د هند او پاکستان لخوا د کنترولی سيمو ترمنځ د سرويسونو او بسونو د تګ راتګ شمير زيات شی ، د دواړو هيوادونو باروړونکی لاری به وکولی شی چه د کشمير له واقعی کنترولی کرښی څخه تير شی . دغه راز به د هند د راجاستان له ايالت نه نيولی د پاکستان د سيند تر صوبی پوری د اوسپنيزی پټلۍ ترانسپورټی چاری بيافعالې کړی شی .
