د چين د بينالمللي راډيو د خبر له مخې د هند صدراعظم منموهن سينګ او د پاکستان جمهوررئيس پرويز مشرف د اپريل په اتلسمه نيټه په نوي ډيلي کې يوه ګډه اعلاميه خپره کړه او پکې يې دا خبره بيا تائيده کړه چې د دواړو هيوادونو ترمنځ سوله ايز بهير شاته نه ګرځيدونکی دی ٠ سينګ په مطبوعاتي غونډه کې وويل هند ته د پرويز مشرف د سفر په موده کې د دواړو هيوادونو مشرانو له دې سره موافقه وکړه چې بايد په مداومه توګه په صميمي رويې سره د خبرواترو له ﻻرې د کشمير په باب کشاله حل کړي شي او دا وعده يې وکړه چې د تروريزم له امله به د دوانو هيوادونو پر سوله ايز بهير باندې منفي اغيزه ونه کړي شي ٠ د دواړو هيوادونو مشرانو له دې سره هم موافقه وکړه چې د اوسني ميکانيزم په واسطه د سياچين د کنګل شوي سيمې کشاله ليري کړي ، دغه راز دواړه هيوادونه به په جلاجلا توګه په مومبي او کراچي کي خپلې عمومي قونسلګري بيا پرانيزي
