رمز—چين جونګ جانې اوس خو د اوريدونکو پوښتنو ته د ځواب برخه راسيدلی ده . ډيرو اوريدونکو په خپلو ليکونو کی د چين د رئيس هو جين تاو له بيوګرافې سره علاقه ښودلی ده . دوی غواړی چه په دې برخه کی څه معلومات تر لاسه کړی ، نو په دې مناسبت به تاسو د پروګرام په دې برخه کی د چين د دولت د رئيس هو جين تاو په باب څه معلومات وړاندی کړی .
جونګ-- د چين د دولت رئيس هو جين تاو د چين د لسم ملي ولسي کانګرس په دريمه غونډه کې چې د٢٠٠٥ کال د مارچ په مياشت کې د چين په مرکز بيجنګ کې جوړه شوه د چين د ولسي جمهوريت د مرکزي نظامي کميسيون د رئيس په توګه انتخاب شوی دی ، نو په دې وجه اوس هغه د چين د دولت د رئيس ، د هيواد د مرکزي نظامي کميسيون د رئيس ، د چين د کمونست ګوند د مرکزي کميټې د عمومي منشي او د کمونست ګوند د مرکزي کميټې د نظامي کميسيون د رئيس په توګه مهمې دندې په غاړه اخيستې دي .
هو جين تاو د١٩٤٢کال د دسمبر په مياشت کې د چين د ان خوي د ولايت د جي شي په ښار کې زيږيدلی دی او د ١٩٦٤ کال د اپريل په مياشت کې د چين په کمونست ګوند کې ګډون وکړ ، د١٩٥٩ کال نه تر ١٩٦٤ کاله پوري هو جين تاو د چين په مشهور پوهنتون يعني د چينګ خوا په پوهنتون کې د اوبو د لګولو په فاکولته کې زده کړه وکړه ، ورپسي د ١٩٦٥ کال نه تر ١٩٦٨ کاله پوري هغه په نوموړي پوهنتون کې د علمي څيړنو په کار پيل وکړ.د نوموړي پوهنتون څخه د فارغ
کيدو نه وروسته هو جين تاو د چين د اوبو لګولو او د بريښنا د وزارت په يوه څانګه کې د تخنيکي کارکوونکي په توګه کاروکړ، ورپسي يې په نوموړي څانګه کې د منشي په توګه دنده په غاړه درلوده ٠ د څو کالو نه وروسته هو جين تاو د چين د ګان سو ولايت د ساختماني کميټې د سکرتر او ددې کميټې د ديزاين د ادارې د مرستيال په توګه دنده ترسره کړه . د١٩٨٠ کال نه تر١٩٨٢ کاله پوري هوجين تاو د ګان سو ولايت د ساختماني کميټې د مرستيال او د چين د کمونستي ځوانانو د اتحاديې د ګان سو ولايتي کميټې د منشي په توګه وټاکل شو، د١٩٨٢ کال نه تر١٩٨٤ کاله پوري هوجين تاو د چين د کمونستي ځوانانو د اتحاديې د مرکزي کميټې د داراﻻنشأ د غړی او د چين د ځوانانو د ملي اتحاديې د رئيس په توګه انتخاب شو٠ ورپسي هغه د ١٩٨٤ کال نه تر ١٩٨٥ کاله پورې د چين د کمونستي ځوانانو د اتحاديې د مرکزي کميټې د داراﻻنشأ د لومړي استازی په توګه وټاکل شو او د١٩٨٥کال نه تر١٩٩٢ کاله پورې هو جين تاو په وار سره د چين په جنوب لويديځ کې د ګوي جو د ولايت د کمونست ګوند د کميټې او د تبت د خودمختارې سيمې د ګوندي کميټې د منشي په توګه او د نوموړو دوو پوځي سيمو دګوندي کميټې د لومړي سکرتر په توګه دنده ترسره کړه .٠
په ١٩٩٢ کال کې هو جين تاو د چين د کمونست ګوند د مرکزي کميټې د سياسي بيورو په دايمي کميسيون کې شامل شو او د چين د کمونست ګوند د مرکزي کميټې د دارارﻻنشأ د غړی په توګه وټاکل شو ، د ١٩٩٢ کال نه تر ٢٠٠٢ کاله پورې
هوجين تاوپه مداومه توګه نوموړي دندې په غاړه درلودې ، په ٢٠٠٢کال کې هو جين تاو د چين د کمونست ګوند د مرکزي کميټې د عمومي منشي په توګه انتخاب شو، په عين وخت کې هغه د ګوند د مرکزي کميټې د نظامي کميسيون د مرستيال ، د چين د ولسي جمهوريت د دولت د رئيس د مرستيال او د هيواد د مرکزي نظامي کميسيون د مرستيال په توګه دندې په غاړه واخيستلې.
د ٢٠٠٣ کال د مارچ په مياشت کې هو جين تاو د چين د لسم ملي ولسي کانګرس په لومړي غونډه کې د چين د ولسي جمهوريت د دولت د رئيس په حيث انتخاب
شوی او د ٢٠٠٤ کال د سپتمبر په مياشت کې هغه د چين د کمونست ګوند د مرکزي کميټې د نظامي کميسيون د رئيس په توګه ټاکل شوی او د سږکال د مارچ په مياشت کې هو جين تاو د چين د لسم ملي ولسي کانګرس په دريمه غونډه کې د چين د ولسي جمهوريت د مرکزي نظامي کميسيون د رئيس په توګه انتخاب شوی دی. ٠
