د سين هوا اژانس د خبر له مخی، د انګلستان خارجه وزير جاک ستراو د می په ١٦ نيټه په لندن کښی اعلان وکړ چه د افغانستان له بيا ابادۍ سره د مرستې په باب د بسپنه ورکوونکو هيوادونو بين المللی غونډه به د جون په ٢١ نيټه په لندن کښی جوړه شی٠
خارجه وزير ستراو په يوه هغه مطبوعاتی غونډه کښی چه د هغه او د افغانستان د اسلامی جمهوريت حکومت د خارجه وزير عبدالله عبدالله لخوا په ګډه سره جوړه شوې ، نوموړې خبرې وکړې٠ هغه وويل چه انګلستان تل د افغانستان له بيا ابادۍ سره د مرستې دپاره کوششونه کوی٠
د خبر له مخی، خارجه وزير عبدالله عبدالله اوس په لندن کښی د انګلستان د خارجه چارو د وزارت تر رياست لاندی د افغانستان د چارو په باب يوه غونډه کښی ګډون کوی٠
له درو کالو راهيسی بين المللی ټولنې د څو مليارډو امريکايی ډالرو په اندازه پانګې راټولې کړيدی چه دغې پيسی به د افغانستان په بيا ابادۍ کښی واچول شی٠
