د سين هوا اژانس دخبر له مخی ، د پاکستان خارجه وزارت د روانې مياشتې په ١٣ نيټه غوښتنه وکړه چه هند بايد بی له کوم شرط د سياچين له طبعی يخچال څخه خپل فوځ وباسی ترڅو د دواړو هيوادونو ترمنځ د نوموړی خاوری په باب شخړه حل و فصل شی .
د پاکستان د خارجه وزارت نطاق جليل عباس ګيلانی په نوموړی ورځ په يوه مطبوعاتی کنفرانس کی وويل چه هند په ١٩٨٤ کال کی په زور سره نوموړی يخچال نيولی دی . که يوازی هند له نوموړی سيمې څخه خپل فوځ وباسی ، نو په هغه ځای کی به سوله تامين شی .
پاکستان د نوموړی سيمې په هکله د هند د صدراعظم منموهن سينګ د وړمې ورځې د وينا په مقابل کی خپل عکس العمل څرګند کړی دی . سينګ ويلی ؤ چه د پاکستان سره د نوموړی شخړې د حل و فصل لپاره هند بايد يوه لاره پيدا کړی تر څو د دواړو هيوادونو ترمنځ دښمنی پايته ورسيږی او نوموړی يخچال په يو سوله ايز ځای بدل شی .
