ګرانو دوستانو، په نننی پروګرام کی به تاسو ته يو مضمون وړاندی کړم چه عنوان يی دی د شينجيانګ يو ځلمی د بيجينګ د اوليمپيک سپورتی لوبو د برياليتوب په نيکه هيله په خپلو پښو له شينجيانګ څخه بيجينګ ته راورسيد٠ د مې په درويشتمه نيټه د سهار په لسو بجو خلکو وليدل چه يو ويغوری ځلمی د بيجينګ د ګوانګ ان من په سړک کی منډی وهی ، يو بار يی په شا کړی او ورباندی يی د اولمپيک د ٥ رنګه دايرو تصوير کښل شوی او د چين يو وړوکی ملی سور بيرغ هم ورسره تړل شوی دی ٠کله چه هغه سړک ته راورسيد څو ويغوری ځوان وطنوال د ده مخی ته نژدی شول او ور ته يی تازه ګلان وړاندی کړل ٠ دغه ٢٣ کلن زلمی پرحت نوميږی او د شينجيانګ د ويغوری قوم د خودمختاری سيمی د چبچهار د سی وو قوم د خودمختاری ولسوالی يو معمولی بزګر دی چه دغه ولسوالی د قزاقستان سره نغښتی ده ٠ ددی دپاره چه په ٢٠٠٨ م کال کښی د بيجينګ د اولمپيک سپورتی لوبی په بری سره سر ته ورسيږی ٠ هغه د مارچ په ١٧ مه نيټه په خپلو پښو د لری فاصلی د منزل په وهلو سره له خپل اجدادی کور څخه بيجينګ ته حرکت وکړ ٠ د چبچهار له ولسوالۍ څخه تر بيجينګ پوری څه دپاسه څلور زره دری سوه کيلو متره فاصله شته او د بادان جلين په نامه له صحرا څخه پوری وتل يی په ډير زحمت او زيار سره ترسره شول ٠ پرحت وويل چه په صحرا کښی د سخت باد په لګيدو سره يو قدم وهل هم ډير مشکل ؤ ٠ د باد پسی د لمر د قوی وړانګو په اور کی سوځيدم او دا هم زما لپاره د زغملو وړ نه وه چه په ورځ کښی به هيڅوک نه ليدل کيدل ٠ د چوپتيا او يوازيتوب د ليری کولو دپاره به ما هم په قوی اواز سندری ويلی او هم به می منډی وهلی٠دغه توريالی زلمی په ١٥ شپو ورځو بالاخره له دې صحرا څخه تيری شو ٠ د دې صحرا څخه د وتلو نه وروسته هغه په ډير ستړتيا سره د ( لان جو ) ښار ته ورسيد ٠ د ښار په سړک کښی يوه سپين ژيری هغه وليد نو ور څخه يی پوښتنه وکړه چه ته کومه ستونزه لری ؟ زلمی مهربان سړی ته وويل چه زه د ٢٠٠٨ م کال د بيجينګ د اولمپيک د سپورتی لوبو د کاميابو جوړولو په نيکی هيلی بيجينګ ته منډی وهم ٠ د ده د خبرو د اوريدو نه وروسته د نوموی سړی وينی په جوش راغلی او په يوه اسلامی رستوران کښی يی د پرحت ښه پذيرايی وکړه ٠ د ده د استراحت دپاره يی د ويده کېدو کوټه هم برابره کړه٠ علاوه پر دې دغه مهربان سړی د تګ نه مخکښی زلمی ته يو سل يوانه هم ورکړل خو خپل نوم يی زلمی ته و نه وايه ٠پرحت وويل چه هغه د سفر په موده کښی زيات داسی زړه سواندی کسان وليدل ٠
دا لومړی ځل دی چه پرحت له خپلی اصلی سيمی څخه دومره ليری ځای ته ځی او د څلورو زرو درو سوو کيلو مترو په اوږدوالی واټن کی د پرحت دری جوړی بوټونه او دری بکسونه خراب شوی دی ٠ کله کله يی ډوډی هم نه پيدا کوله او کله کله به د ويده کېدو ځای هم نه وً ، د دغو مشکلاتو په وړاندی به پرحت کله کله يو څه پښيمانی کوله ، خو ورسره په جوخت به حتماُ د خپلو کليوالو د اميد نه ډکی خبری د ده غوږونو ته رسيدی٠ په دې سببه به هغه خپل جذبات بيا اوچتول او په خپلی ارادی به يی ټينګار کاوه ٠ د خبريال سره د مرکی په ترڅ کی پرحت وويل چه د سفر په ورځو کی د بيلا بيلو قومونو د خلکو ملاتړ د ده د لاری تګ اصل عوامل وً ٠
هغه وويل چه بيجينګ ته په رانژدی کيدو سره زما د منډی وهلو سرعت هم چتک شو ٠ نن سهار چه بيجينګ ته ورسيدم ، ټول مشکلات او زحمتونه چه ما يی ګاللی ؤ له ياده ووتل ٠ په دی وخت کښی د پرحت پر مخ باندی د خوښی او خوشحالی څپه ښکاره شوه٠
پرحت په پای کښی خبريال ته وويل چه ما دسفر په بهير کښی د هيواد د بيلا بيلو قومونو د خلکو مرستی تر لاسه کړی دی او دا احساس لرم چه شپږ پنځوس قومونه په يوه لوی کور کښی ژوند کوی او ټول چينايان يو لوی کور جوړوی ٠ زه باور لرم چه د ټولو وطنوالو په قوی يووالی به حتماُ د اولمپيک سپورتی لوبه په کاميابه توګه ترسره کړی شی ٠ په دې وخت کښی د پرحت له سترګو څخه ټينګه اراده او هيله څرګنديده٠
