د سين هوا اژانس د خبر له مخی، د امريکې د خارجه وزير مرستيالې چيرستيانا روکا چه د جنوبی أسيا د چارو مسئوله ده ، د اکتوبر په اوومه نيټه وويل چه د افغانستان د امنيت په برخه کښی پرابلم لا هم موجود دی ، خو هغې د طالبانو د قوت د بيا ژوندی کيدو په باب خبر رد کړ ٠
د خارجه وزير مرستيالې روکا په واشنګټن کښی په يوه مطبوعاتی غونډه کښی وويل چه د زورزياتۍ هغه ډول ډول کړه وړه چه په تيرو څو اونيو کښی په افغانستان کښی رامنځ شوی ، د امريکې په ګمان کښی دی٠ هغې وويل چه امريکه دا نظر نه لری چه د افغانستان د پارلمان د لومړی ځل انتخاباتو په موده کښی د نوموړو کړووړو پيښيدل د طالبانو د قوت د بيا راژوندی کيدو نښه ده٠
د امريکې د خارجه وزير مرستيالې روکا وويل چه په افغانستان کښی د امريکې پوځ لا هم د افغانستان پوځيان او پوليسان روزی او افغانستان او پاکستان هڅوی چه د دغو دوو هيوادونو له سرحداتو څخه د غيرقانونی وسله والو کسانو د تيريدو د مخنيوۍ دپاره سره همکارۍ وکړی٠
