ګرانو اوريدونکو ، د چين د بين المللی راډيو د خبريال د خبر له مخی ، د افغانستان د جمهوری رياست د چارو د فتر نطاق کريم رحيمی په شلمه نيټه وويل ، د افغانستان حکومت به يوه ځانګړی کميټه جوړه کړی او د هغی پيښی د پلټنی دنده به په غاړه واخلی کوم چه د مطبوعاتی ذرايعو د تازه خبر سره سم امريکايی فوځيانو د طالبانو د وسله والو افرادو د مړيو جسدونه سوځولی دی . نطاق کريم رحيمی وويل چه افغانستان د انسانی بدنونو له هر راز سپکاوی او بی حرمتی عمل سره مخالفت کوی که دغه کسان يی دوستان او يا يی دښمنان وی.
د نوموړی پيښې په باب خبر لومړی د اسراليا د يوه تيلويزيونی سټيشن لخوا خپور شو . د اکتوبر په ١٩ نيټه د نوموړی تی وی لخوا په خپورشوی خبر کی ښکاره شوی چه امريکايی عسکرو قندهار د جنوب د يوه کلی په شاوخوا کی د طالبانو د دوو تنو وسله والو افرادو د مړيو جسدونه سوځول او په دی ترڅ کی يوه امريکايی عسکر په لوړ اواز او بی حرمتی سره د نوموړی کلی خلکو ته سپکی سپوری وويلی. د ازاد ليکول په توګه ستفين دوپونټ چه د استراليا تيلويزيونی سټيشن ته يی د ويديو نوموړی کسټ ورکړی ، وويل چه د ويديو په کسټ کی عکسونه د تير اکتوبر په لومړی نيټه اخيستل شوی وو . په نوموړی پيښه کی برخه وال عسکر د امريکی د مځکنی قواؤ په روانی جنګ په يونټ پوری اړه لری . هغوی نوموړی عمل ددی لپاره وکړ چه په نوموړو سيمو کی د
طالبانو د وسله والو افرادو د قهر او غصی راپارول ؤ ترڅو هغوی له پټو ځايونو څخه ځانونه څرګند کړی . نوموړی ليکوال زياته کړه چه ځينو امريکايی عسکرو وويل چه دوی د روغتيا ساتنی په نظر کی نيولو سره د مړيو جسدونه سوځولی دی . خو ددی بی حرمتی او سپکو ويناؤ څخه دا ښکاره ده چه ددوی ناوړه عمل د اسلام دمبارک دين په ضد يو ډول سپکاوی ګڼل کيږی .
نوموړی پيښه په افغانستان کی ډيرخ سخته غندل شوی ده اود افغانستان د ولسمشر نطاق وويل چه که چيری نوموړی پيښه رښتيا وګڼل شی ، نو افغانستان به دا ډول کړه وړه ورباندی وغندی . د افغانستان د ملی دفاع د وزارت نطاق هم غوښتنه وکړه چه بايد اړوندو عاملينو ته سخته سزا ورکړی شی . د هغه په قول د ملی دفاع وزير عبدالرحيم وردک د نوموړی پيښی له امله ډير حيران شو . د نوموړی نطاق په نظر د امريکايی عسکرو عمل د اسلامی اصول او د افغانستان د اساسی قانون په مقابل کی د سپکاوی يوعمل دی او په عين وخت کی د ژنيو د کوانسيون په خلاف عمل هم دی . د ژنيو د کوانسيون د اړوندو مقرراتو له مخی ، په جنګی ميدان کی د مړه شويو عسکرو جسدونه بايد تر ممکنه حده پوری د دوی د مذهبی عادتونو سره سم ښخ کړای شی . د افغانستان اسلامی شخصيتونو وويل چه نوموړی پيښه به د اجتمالی لويو احتجاجونو سبب وګرځی او خورا سخت عواقب به رامنځ ته کړی .
په دی عين وخت کی په افغانستان کی ميشته امريکايی فوځ د اکتوبر په شلمه نيټه د استراليا د تيلويزيونی سټيشن د نوموړی خبر په مقابل کی هم خپل عکس العمل ښودلی دی .په افغانستان کی د امريکايی فوځ قوماندان بريد جنرال جاسون کاميا وويل چه د
امريکی د مځکنی قواؤ په اړه د جزايی محکمی اړوندو پرسونلو د نوموړی پيښی په هکله په پلټنی پيل کړی . سربيره پردی د امريک د ملی دفاع وزارت د استراليا د تی وی نوموړی خبر ته پام اړولی او ژمنه يی وکړه چه نوموړی پيښه به تر خپلو مثبتو تحقيقاتو او پلټنې لاندی راولی . د رويتر د خبری اژانس د خبر له مخی ، د پيتناګون نطاق بريان ويتمان وويل چه د امريکی اود امريکی د ملی دفاع د وزارت د پاليسی له مخی بايد د ژنيو د کوانسيون د اړوندو مقرراتو سره سم بايد په ډيری درناوی سره د مړيو ټول جسدونه ښخ کړی شی .
ويتمان هم وويل چه که چيری د پلټنی او تحقيقاتو نه وروسته نوموړی پيښه تصديق کړی شی ، نو د پيښی جوړونکو او عاملينو ته به سخته سزا ورکړای شی .
