عمومأ د ښځو له پاره د ديرش کلنۍ ته د رسيدو نه وروسته ، پوستکې او هډوکي يي به ورو ورو ضعيف شي ٠ نو ځيني ښځي د سنګارولو له لارې ځانګړي ښکلا ساتي ٠ د توجه وړ خبره دا ده چه پرته د سنګارولو نه بله لاره هم شته چه د مساعدو خوراکونو د خوړلو له لارې هم خپل ښکلا ساتل کيږي ٠ لومړي هره ورځ د شيدي د خوړلو پر عادت باندې ټينګار وګړي ٠ ځکه په شيدي کې زيات کلسيم موجود دي ٠ که په بدن کې دغه ډول مواد د کمبود په حال کي وي ، د ښځو د هډوکو د خاصيت سستوالي به رامنځ ته شي ٠ نو ښه به دا وي چه د ټول عمر له پاره د شيدي خوړلو عادت وساتل شي ٠ دوهم ، د ډوډۍ خوړلو په وخت کې ښوروا وڅښي ٠ په چين کې د خلکو په اصتلاح وايي چه د ډوډۍ نه د خوړلو نه د مخه ښوروا څښي ښکلي اندام او روغتيا به وساتل او د ډوډۍ خوړلو نه وروسته ښوروا څښي چاغ به شي ٠ ځکه د ډوډۍ خوړلو نه د مخه ښوروا څښل د روغتيا له پاره ډير ګټور دي ٠ خصوصأ په ژمي کې هوا ډيره يخه ده ، که اول ښوروا وڅښي د بدن يخنۍ او د معدي د ننه يخه هوا ليري کيداي شي له بلې خوا له بدن څخه ورکړ شوي اوبه هم پوره کيداي شي ٠ بله خبره دا ده چه دډوډۍ د خوړلو نه دمخه که شوروا خوري ، په معده کې د نورو زياتو خوراکونو د منلو ځاي کم شوي دي ٠ نو دا د چاغوالي د مخنيوي له پاره هم ګټه لري ٠ دريم ، اوماچ تل خوري ، د پوسکتې دساتنې له پاره بيلا بيل اوماچ ډير غذايي خوراک ګڼل کيږي ، لکه د مومپلې اوماچ د پوستکې د ښکلي رنګ د ساتنې له پاره ډير ګټور خوراک دي ٠ څلورم ګلپي ، کلم ، غټ پياز ، ګازره او ماهي د بدن خصوصأ د پوستکې د ضعيفوالي د مخنيوي له پاره ډير ښه خوراک دي ٠ ځکه په ډيرو سبزيو او ميوو کې ډول ډول ويتامينونه موجود دي ، پرته له دي نه اوبه پکې هم ډير دي چه دا نه يوازي د انسان د بدن له پاره بلکه د پوستکې له پاره ډير ضروري غذايي مواد دي ٠

بله خبره دا ده چه په ورځني ژوند کې ډير خوراکونه هم د درملني رول لري ٠د چين د شمال ختيځ چين د دا ليان ښار د اوږد عمر هغه سپين ږيري او سپين سرې چه عمر يي له سلو کالو نه اوښتي دي ، څه د پاسه دوو سوو تنو ته رسيدلي دي ٠ د اړوندې څانګې د څيړنې له لارې د دوي د اوږد عمر د ساتنې تجربې تر لاسه شوي دي ٠ د څيړنې له نتيجې څخه معلوم شوي چه اوږد عمر دري عمده عوامل اړتيا لري ، لومړي موروثي عامل ، دوهم د چاپيريال اغيزه ، دريم د ژوندانه شکل ٠ عمومأ له نوموړو عواملو نه موروثي عامل او د چاپيريال اغيزه د انسان له پاره نه شي انتخاب کيداي ، مګر د ژوندانه شکل د هرچا له پاره انتخاب کيداي شي او تر يوي اندازي پوري دغه عامل هم يو داسي فيصله کونکي عامل ګڼل کيږي چه د انسان پر اوږد عمر باندې اغيزه لري ٠ د انسان ژوند د خوراکونو سره جلا نه کيږي ٠ نو ويل کيږي چه خوراکونه د انسان د روغتيا سره مستقيمې اړيکې لري ٠ د چين په دا ليان ښار کې د نوموړو سپين ږيرو او سپين سرو په منځ کې دپلټنې نه د روغتيا د ساتنې په هکله دري عمده تجربې ښودلې شوي چه لومړي د ورځنيو خوراکونو قسمونه ډير دي ٠ د نوموړو سپينږيرو او سپين سرو د پلټنې په وخت کې دا معلومات ترلاسه شوي چه دوي له ځوانيتوب نه د زيږ جوار ، غلې دانې او بيلا بيلې سبزي خوراکونو د عمده ورځني خوراکونو په توګه خوري او تر اوسه پوري دغه عادت هم ښه ساتل شوي دي ٠ نو په نوموړ اوږد عمر زاړو کسانو کې هغه ناروغان ډير لږ پيدا کيږي چه دزړه او د رګ په ناروغۍ کې اخته شوي دي ٠ دوهم معقول خوراکونه ٠ د پلټنې په وخت کې دا معلومات تر لاسه شوي چه نوموړي اوږد عمر سپين ږيري او سپين سرې هره ورځ لږ تر لږه يو زر ملي متره اوبه څښي ، پرته له دي نه دوي له کوم خوراک سره خاصه علاقه نه لري ٠ د دوي له پاره هغه خوراک چه ډير خوند لري ، هم زيات و نه نخوري ٠ دغه راز دوي هم په دي ټينګار کوي چه هره ورځ بايد د ټاکلي وخت او ټاکلي اندازې سره سم ډوډۍ خوري او هيڅ زيات و نه خوري ، همداشان د دوي په ژوند کې د خوراکونو د درو لږوالي هغه اصول ټينګ ساتل شوي چه په خوراکونو کې دي لږه مالګه ، لږ قند او لږې غوړي وساتل شي ٠