دچين د بين المللی راډيو د خبريال د خبرله مخی ، د څو مسلسلو ورځو راهيسی د چين اړوندو څانګو او محلی مقاماتو د مرغانو د انفلونزا د سرايت د مخنيوۍ او کنترول لپاره په پر له پسی توګه خپل تدبيرونه پياوړی کړی او کوی يی .
د چين د خوړو او درملو د نظارت او اداری رياست په يوه فوق العاده متحدالمال کی له مختلفو سيمو نه غوښتی دی چه د نوموړی ساری ناروغۍ د وقايی او تداوی په اړه درملونه او د طبی سامان الاتو او دقيقو الاتو توليدول او پلورل تر هراړخيزی معاينی او څارنی لاندی ونيسی .
د هيواد محلی حکومتونو د نوموړی ناروغی په ضد لا زيات او پياوړی تدبيرونه هم نيولی دی لکه په وړيا ډول ولسونو ته د اړوندو درملونو ورکول ، د لا زياتو پيسو برابرول ، د هيواد له بهر نه د مرغانو په شمول د حيواناتو د قرانطين ، نظارت او اداری د کار تقويت کول او داسی نور .
