د چين د بين المللی راډيو د خبريال د خبر له مخی ، د چين د روغتيا وزير ګاو چيانګ د نوامبر په ديرشمه نيټه په بيجينګ کی وويل چه چين اوس انسان ته د مرغانو د انفلونزا د خپريدو د مخنيوی لپاره تدبيرونه نيسی .
ښاغلی ګاو چيانګ په همدی ورځ د چين د دولتی شورا لخوا په جوړشوی مطبوعاتی کنفرانس کی وويل چه اوس د چين په هر ګوټ کی د مرغانو د انفلونزا ساری ناروغی تر جدی نظارت او څارنی لاندی راغلی او په عين وخت کی اړوند طبی او صحی کارکوونکی تر روزنی لاندی هم نيول شوی دی . علاوه پردی د مرغانو د انفلونزا په ضد د واکسين او درملو د څيړنی بهير هم ګړندی کيږی . دغه ډول واکسين په روغتون کی د طبی ازموينی مرحلی ته داخل شوی دی .
