د چين د بين المللی راډيو د خبر له مخی د دسمبر په شپږمه نيټه د چين د کرنې د وزارت مرستيال ين چنګ جی د چين د يون نان ولايت د کون مين په ښار کی دا څرګنده کړه چی مختلف اسيايی هېوادونه بايد په موثره توګه د مرغانو د انفلونزا د مخنيوۍ او کنترول دپاره د تخنيکونو او انفورمېشنونو د تبادلې، د ناروغيو د نظارت او د ساری ناروغۍ په برخو کی خپل منځی همکاری پياوړی کړی.
په همدې ورځ د وزيرانو په درجه د مرغانو د انفلونزا د مخنيوۍ او کنترول په برخه کی د همکارۍ په هکله د اسيايی هېوادونو په غونډه کی نوموړي وويل چی چين هيله لری چی په اسيا کی د ژويو د ډاکترانو او مربوطو کارکوونکو د روزنې دپاره لازمې تخنيکی مرستې برابرې کړی.
په نوموړی دوه ورځنی غونډه کی د اسيا د اوه لسو هېوادونو د کرنې او روغتيا د څانګو عالی مامورينو او د مربوطو بين المللی سازمانونو نماينده ګانو برخه واخيستله.