ګرانو اوريدونکو،د چين د اقتصاد په نننی پروګرام کی به د چين دطبيعی سرچينو د معقول استعمال او د چاپيريال د ساتنی په باب معلومات تاسو ته وړاندی کړو.
د چين د اقتصاد د چټکتيا له مخی طبيعی سرچينو ته اړتياوې زياتې شوی او د چاپيريال ککړتيا رامنځته شوی ده .نو چينايان په دی ښه پوهيږی چی د طبيعی سرچينو معقول استعمالول او د چاپيريال ساتنه د چين د اقتصاد د دوامدار پرمختيا او د ژوند د چاپيريال د ښه والی دپاره مهم ارزښت لری .
ښاغلی دينګ ګوو پی د چين د جنوب ختيځی برخی د ځه جيانګ ولايت د تای جو په ښار کی د فاضلو موادو يو پلورونکی دی .په نژدی دوو کلونو کی د ده کارونو چټکه پرمختيا موندلی ده او په تيرو دوو کلونو کي يي هر کال د ألومينيوم د چمتوکولو په بهير کی د فاضله ګازونو له بيا استعمالولو څخه د ٣ مليونو ژن مين بی يوانو ګټه تر لاسه کړی ده .
(اواز...........................) اوس په دی پوهيږم چی د فاضله ګازو له استعمالولو څخه ګټه هم اخلم .
د معلوماتو له مخی د ځه جيانګ ولايت د بی فلز ،بی ګټی کاغذ ،بی ګټی پلاستيک او بی ګټی شيشی د بيا استعماليدو اډه ګرځيدلی ده او هر کال يی د کثافتاتو د بيا استعماليدو څخه د ٤٥ ملياردو ژن مين بی يوانو ګټه اخلی .
اوس د چين يو شمير تصدۍ په خپلو کارونو کي پرمختللي تخنيکونه کاروی چه د طبيعی سرچينو او انرژی د معقول استعمال د انډول لوړولو نوی لاره پيدا کړی .د زمان په نامه ګروپ شل کاله دمخه جوړ شوی او د دغې تصدۍ عمومی مديرې
وانګ شياو لان د خبريال سره د مرکې په ترڅ کې وويل زمونږ ګروپ ځکه چټکه پرمختيا موندلی ده ،علت يی دا دی چی مونږ په پر له پسی توګه د بازار د اړتياوو سره سم د پرمختلليو تخنيکونو په اتکا يو لړ نوي توليدات رامنځ کړای شو .(اواز...............) زمونږ وېلډينګ ماشين د بيجينګ د اولمپيګ سپورتي لوبو د جوړيدو لپاره د ١٠ جمنازيمونو او ميدانونو د جوړولو په بهير کی د وېلډينګ کولو دنده په غاړه اخلی او دغه ماشين د پخوانی ماشين په نسبت د بريښنا د معقولی کارونی څخه ښې ګټې اخيستی شي .
دا د چين د حکومت يو مهم کار دی چی سرچينې او انرژی په معقوله توګه استعماليږی او چاپيريال خوندی ساتل کيږی .
د چين د صدراعظم مرستيال ځينګ پی يان په دی وروستيو ورځو کی د انرژی د استعمالولو په هکله په يوه غونډه کی وويل چی (اواز.....................) د نوی حالت په وړاندی مو په ښکاره توګه هغه دولتی اساسی تګلاره وړاندی کړی ده چی د چين اقتصاد بايد په هر اړخيزې او برابرې لارې پرمختګ وکړي او د اقتصادي پرمختګ لپاره دي نوي لاری چاری غوره او سرچينې دي په معقوله توګه استعمالې شي ترڅو تر ٢٠١٠ کاله پورې د انرژی لګښت د ٢٠٠٥ کال په پرتله په سلو کي شل کم شي .
اوس د چين حکومت په بيلا بيلو ځايونو کی د انرژی د معقول استعمال او د چاپيريال د ساتنی په کارونو لاس پوری کړې او د دغو دواړوکارونو د يوځاي کيدو دپاره يې هڅه کړی ده .
د معلوماتو له مخی به له دی نه وروسته چين د انرژی د بيا استعمالولو دپاره زياتې هلې ځلې وکړي او تر ٢٠٢٠ کاله پوری به د برابرې شوې انرژې څخه د هغو انرژې 
تناسب چی بيا استعماليداي شي ، په سلو کی له ٧ نه په سلو کی ١٥ ته لوړ شی .
اوس د چين زيات شمير اقتصادپوهان د انرژی معقول استعمال او د چاپيريال ساتنی ته زيات ارزښت ورکوي .د چين د اجتماعی علومود اکادمی په اړه د اقتصاد د څيړنی د مرکز څيړونکی يوان ګانګ مينګ وويل چی حکومت د اقتصاد د دوامدار پرمختګ په بهير کی څرګندې لارښوونکې تګلارې ته اړتيا لری مثلأ د فولادو ،سمټو او کيمياوی صنايعو په ګډون په مهمو پروژو کی چه چاپيريال ته يی زياته ککړتيا رسوي ، لا جدی تدبيرونه ونيسی او د هغو تصديو قوي ملاتړ کوي چه چاپيريال ته ککړتيا کمه ده او ګټې يي ډېرې دي .
