د چين د بين المللی راډيو د خبر له مخی، د ايران د نفتو د وزارت مرستيال محمد هادی نژاد حسينيان د دسمبر په ٢٩ نېټه د هند په مرکز نوی ډيلی کښی وويل چه که څه هم هند او پاکستان د امريکې له فشار سره مخامخ دی، خو بيا هم دواړه هيوادونه له ايران څخه د پاکستان له لاری هند ته د ګاز د پايپ لين د غزيدو له سترې پروژې څخه ټينګ ملاتړ کوی٠
ښاغلی نژاد حسينيان په همدې ورځ د هند د نفتو او ګاز د وزارت له منشی سوشيل تريپاتی سره د خبرو اترو نه وروسته په يوه ګډه مطبوعاتی غونډه کښی وويل چه د ايران ، پاکستان او هند ترمنځ د ګاز راتلونکی پايپ لين د هند او ايران ترمنځ د ټينګې اړيکې نښه ګڼله کيږی او د اوو مليارډو په بيه دا پروژه به دی سيمې ته سوله او سمسورتيا ورسوی ٠
