د سين هوا اژانس د خبر له مخی، د افغانستان جمهوررئيس حامد کرزی د جنورۍ په اتمه نېټه په کابل کښی وويل چه که فلسطين خپلواک  هېواد جوړ کړی ، افغانستان به له اسرائيلو سره خپلو ديپلوماتيکو روابطو ته پراختيا ورکړی٠

جمهوررئيس حامد کرزی په همدې ورځ له خبريالانو سره د مرکې په بهير کښی وويل چه که فلسطين د يوه خپلواک هېواد په توګه وپيژندل شی، نو افغانستان به اسرائيل هم وپيژنی او له اسرائيلو سره خپلو ديپلوماتيکو روابطو او سوداګريز  تګ راتګ ته پراختيا ورکړی٠ جمهوررئيس حامد کرزی وويل چه د نورو هېوادونو د خلکو په شان اسرائيليان د خپل هېواد او کورونو د ساتلو حق لری٠ نو افغانستان هيله لری چه فلسطينيان هم خپل هېواد او کورونه ودان کړی ٠