د چين د بين المللی راډيو د خبر له مخی، د سينګاپور د لينهه زاو باو ورځپاڼی د جنوری په درويشتمه نېټه د مرغانو له انفونزا سره د مقابلې لپاره د همکاری کولو تر عنوان لاندی يوه تبصره خپره کړی او پکی يی د مرغانو انفلونزا د وقايی او کنترول لپاره د پيسو راغونډولو د هغې غونډې زياته ستاينه کړی چه د جنوری په اوه لسمه او اتلسمه نېټه په بيجينګ کی تر سره شويده.
په تبصره کی ويل شوی چه په دغه غونډه کی بيلا بيلو خواوو د م م د سرمنشی کوفی انان غوښتنې ته فعال غبرګون څرګند کړ او د مرغانو انفونزا د وقايی او کنترول لپاره يی د پيسو او موادو بسپنی ورکولو ژمنه وکړه. په دې غونډه کی له دری دېرشو هېوادونو څخه د يو مليارد او نه سوه مليونو امريکايی ډالرو د بسپنی ژمنی وشوی، دا شمېر په هدف کی نيول شوی د يو مليارد او دوه سوه مليونو امريکايی ډالرو له اندازی څخه ډېر زيات و چه د نړيوال بانک لخوا ټاکل شوی و. د چين صدراعظم ون جيا باو په غونډه کی اعلان وکړ چه د چين حکومت به لس مليونه امريکايی ډالره بسپنه ورکړی او دغه پيسی به ژر اړوند ارګان ته وسپارل شی.
