دا د چين بين المللی راډيو ده ، ګرانو اوريدونکو، اسلام عليکم ! د چينی او بهرنی موسيقی په دی پروګرام کی به د چين د مشهوری سندرغاړی سونګ ځو ينګ او د هغې په اواز ويل شوي خوندورې سندرې تاسو ته وړاندی کړو٠
( سندره ١ )
ګرانو اوريدونکو، تاسو همدا اوس د سونګ ځو ينګ له خوا ويل شوی سندره واوريده د دغی سندرې نوم ئی کوچنی ټوکرۍ ده٠ سونګ ځو ينګ د چين له ځوانو سندرغاړو څخه يوه ډېره نامتو سندرغاړې ده ٠ نوموړې د چين له قومي پوهنځی څخه د فراغت وروسته د چين د ډېر مشهور پروفيسر جين تيلين زده کوونکې شوه ٠ په ١٩٩١ کال کی سونګ ځو ينګ د چين د ولسی ازادی بخښونکی اردو د سمندری ځواکونو د هنری ډلې لخوا ومنل شوه ٠ تراوسه پوری سونګ ځو ينګ له زرو نه زياتې ولسی سندری ثبتې کړيدي ٠ اوس به مونږ په ګډه د دې لخوا ويل شوي يوه ولسي سندره واورو چی نوم ئی سپوږمۍ ته کتل دی٠
( سندره ٢)
په دی وروستيو کلونو کی سونګ ځو ينګ څو ځله د چين له هنری پلاوي سره د استراليا، امريکی او کاناډا په شمول بهرنيو هېوادونو ته هنري
سفرونه کړي او د دغو هيوادونو له هنرمندانو سره يي د سندرو ويلو هنر تبادله کړی ده٠ هغی په ٢٠٠٢ کال کی د چين او استراليا تر منځ د سياسی اړيکو د ټينګيدو د ٣٠ کاليزې
يادونی لپاره د کلتوری استازی په توګه د استراليا د سيدنی د اوپرا د نندارې په سالون او لږه موده وروسته د ويانا د کنسرت په طلايی سالون کی هم ځانګړی کنسرتونه ورکړی دی٠ اوس به مونږ په ګډه د سونګ ځو ينګ له خوا ويل شوی سندره واورو چی نوم ئی نيکمرغه ورځ دی٠
( سندره ٣ )
ګرانو اوريدونکو ،د دريو خوندورو سندرو په اوريدو سره د چينی او بهرنی موسيقی نننی پروګرام په همدی ځای پای ته رسيږی٠ شپه مو په خير٠
