د چين د څو کيلومترو په اوږدوالي لوی دېوال په نړۍ کې ډير شهرت لری په تيره بيا د چين د پلازمينې بيجينګ په شمال د اين چينګ ولسوالۍ د با دا لين علاقه دارۍ په ساحه کې لوی ډېوال ښه ساتل شوي چه شپږ سوه کاله دمخه جوړ شوی دی . د دې علاقه دارۍ مشره وانګ يونګ جون نوميږی او د خپلې دندې په غاړه اخيستنې له دريو کلونو راهيسی يي د خپلې علاقه دارۍ د اقتصادی او ټولنيز پرمختګ لپاره ستر خدمتونه کړی دی.
د با دا لينګ لوی ډېوال د سيلاني د يو مشهور ځای په حيث هر کال څه د پاسه پنځه مليونه سيلانيان راجلبوی. د علاقه دارۍ مشران تل له سيلاني څخه د لاس ته راوړلو ګټو له لارې د محلی اقتصادي پرمختګ لپاره هڅه کوي
د علاقه دارۍ د مشرې په توګه دا ډېر مهم کار دی چه د خپلې علاقه دارۍ د سرچينو د ښيګڼو په کارولو سره بزګرانو ته ګټی ورسول شي . په وروستيو کلونو کی د بېجينګ په شاوخواوو کليو کی بزګران په توريستی چارو بوخت دي . وانګ يونګ جون له پلټنو وروسته ، داسی يو پلان جوړ کړ چه د هر کلی يا هر کور د دوديزو ځانګړتياوو له مخې سيلانيان راجلبوي .
وانګ يونګ جون د لا زيات سيلانيانو د راجلبولو لپاره له بزګرانو سره مرسته کوي چه د سيلانيانو د خدمت مقررات وټاکي او بهرنيو کليو ته د تجربو لاس ته راوړلو لپاره بزګران وليږي . په تيرو دوو کلونو کی په دغه علاقه داري کی د سيلانيانو د راجلبولو لپاره ډول ډول فعاليتونه ترسره شويدي مثلا د مني په
موسم کې سيلانيانو ته د مڼو شکولو او رخصتی تېرولو بلنه ورکول کيږی د ٢٠٠٣ کال تر پايه پوری ، د دې علاقه دارۍ توريستی عايداتو د کرنيزو چارو په عمومی عايداتو کی دوه اويا برخه ونيوه ، د علاقه دارۍ د سلو کورنيو لخوا اوه پنځوس زره تنه سيلانيان منل شوي او دوه مليونه يو لک پنځه اتيا زره يوانه ګټې ترې اخيستل شويدي
.
وانګ يونګ جون په دې ښه پوهيږی چه په يوه سيمه کی ټولنيز چاپېريال د محلی اقتصاد د پرمختګ لپاره ډېر ارزښت لری. نو هغه تل د محلی چاپېريال د ساتنی کارونو ته په درنه سترګه ګوری.
د دې علاقه دارۍ د شی بو ځی په کلی کی يوه ودانی بي له اجازې نه جوړه شوه او د علاقه دارۍ حکومت وغوښتل چه دغه ودانی ليري کړي . په دې وخت کي د وانګ يونګ جون ماما د دې ودانۍ د خاوند په استازيتوب له هغې څخه د ودانۍ د نه ليري کولو غوښتنه وکړه ، خو وانګ يونګ جون دغه غوښتنه و نه منله .
له څو کلونو راهيسې د وانګ يونګ جون د ښو کارونو له برکته د با دا لينګ علاقه دارۍ په اقتصادی او ټولنيزو برخو کی ستر برياليتوبونه تر لاسه شويدي چه د نوموړي علاقه داری ګوندي کميټه د ولسوالۍ او ښار لخوا د نمونوي کميټې په نامه وټاکله شوه او ددې علاقه دارۍ يو کلی د علمي او فرهنګي ترويج او ټولنيز نظام ساتنې په هکله د ټول هيواد د يو نمونوي کلي په توګه ونومول شو . همداراز وانګ يونګ جون هم د بيجينګ ښار د معنوي تمدن ميدال لاس ته راوړ او دغه راز تير کال د بيجينګ ښار د ولسي کانګرس د استازې په توګه انتخاب شوه .
