د سين هوااژانس د خبر له مخې : د افغانستان يو چارواکی د اپريل په نهمه نېټه وويل د دغه هېواد په جنوب کې په وروستيو ورځو کې په پرله پسی توګه پر حکومتی پوځونو باندی بريدونه شوي دي .
د حکومتی پوځ يو چارواکی خيال محمد خبريالانو ته وويل په همدې ورځ سهار د پنځو پوځی موټرونو يو کاروان د کندهار ولايت په جنوب کې له بمی بريد سره مخامخ شو ، له دغې پيښې وروسته پر هغو پوځی پوليسو هم بريد وشو چې سمدلاسه دغه ځای ته ورسيدل . په دغو دواړو بريدونو کې يوولس تنه ټپيان شوي دي .
د افغانستان د ملی دفاع وزارت د وياند په خبره يو ځان وژونکی په همدې ورځ د دغه هېواد په جنوب ختيځ د پکتيکا ولايت د حکومتی پوځ د يوې اډې د دروازی په وړاندی بمی چاودنه تر سره کړه چې له امله يې شپږ تنه سرتېری ټپيان شول .
د روانې مياشتی په اتمه نېټه د افغانستان په لويديځ د هرات په ولايت کې هم د يو ځان مرګي بريد له امله څلور تنه مړه او نهه تنه ټپيان شول .
