|
د سينهوااژانس د خبر له مخې د افغانستان چارواکي ددې خبر پخلی کړی چې د اپريل د يوولسمې نېټې سهارد نهه نيمو بجو په شاوخوا کې د افغانستان د کنړ ولايت د سلار باغ په نوم يوه ښوونځي توغندي لګيدلی چې ﻻمله يې د دغه ښوونځي لږ ترلږه شپږ تنه زده کوونکي وژل شوي او پنځلس تنه نور ټپيان شوي دي ٠ د افغانستان د کورنيو چارو د وزارت يو چارواکي وويل د توغندي د لګيدو پر مهال په نوموړي ښوونځي کې په سلهاوو تنه زده کوونکي په زده کړې بوخت وو ٠ اوس ټپيان شوي زده کوونکي روغتون ته سپارل شوي دي ٠ د خبر له مخې نوموړي ښوونځي له يوې امريکايي پوځي اډې څخه پنځه سوه متره واټن لري ، تراوسه پوري کوم سازمان هم د دغې پيښې پړه په غاړه نه ده اخيستې ٠
|
