د سين هوا اژانس د خبر له مخی، د منځنی أسيا په سيمه کښی د ملګرو ملتونو د نشه يی توکيو او جنايتونو چارو د دفتر استازی جامس کالاغان د اپريل په ١٣ نېټه د تاجکستان په پلازمېنه دوشنبه کښی وويل چه په افغانستان کښی د اپينو کرنې پراخوالی به په راتلونکو څو کلونو کښی ډير کم نشی ، نو د منځنی أسيا هېوادونه بايد نور هم د افغانستان د نشه يی موادو خپريدو د مخنيوۍ لپاره ډير زيات کوښښونه وکړی٠
هغه وويل چه د ملګرو ملتونو له خوا د ترلاسه شويو معلوماتو له مخی، په ٢٠٠٥ کال په افغانستان کښی د اپينو توليدی اندازه څلور زرو تڼو ته رسيدلې وه ٠ اوس د افغانستان د نشه يی توکيو په سلو کښی يو شپيته برخه د ايران له لاری ، په سلو کښی شل برخه د پاکستان له لاری او په سلو کښی نولس برخه د منځنی أسيا د هېوادونو له لاری د نړۍ بېلا بېلو ځايونو ته لېږدول کيږی٠
استازی جامس کالاغان وويل چه له څو کلونو راهيسی، په افغانستان کښی د ډيرو زياتو ټولنيزو موضوعاتو له امله د دغه هېواد او د منځنی أسيا د سيمې امنيت ته خطر رسيدلی دی٠ دغه موضوعات بايد د افغانستان حکومت او نړيوالې ټولنې لخوا د ګډو کوښښونو له لاری حل شی ٠
