د سين هوا اژانس د خبر له مخې، د هالند د بهرنيو چارو وزير بيرنارد رودولف بوت چې اوس له افغانستان څخه ليدنه کوی،د مې په اومه نېټه په کابل کی وويل هالند به افغانستان ته نور يو زر او شپږ سوه تنه عسکر وروليږی.
بوت د افغانستان د بهرنيو چارو له وزير رنګين دادفر سپنتا سره له خبرو اترو وروسته په يوه ګډه مطبوعاتی غونډه کی وويل هالند به په پر له پسی توګه د سولی او ثبات د رامنځته کېدو په اړه له افغانستان سره مرسته وکړی. دا عسکر به د افغانستان د ارزګان په ولايت کی ځای پر ځای شی.
بوت له سپينتا سره د افغانستان د بياجوړونې، د ترهګری پرضد مبارزې او نړيوالی مرستی په اړه هم خبرې اترې وکړې.
