د سين هوا اژانس د خبر له مخې، په افغانستان کې د امريکا په مشرۍ نړيوالو ائتلافی پوځونو او د دغه هېواد حکومتی پوځ د جون په پنځلسمه نېټه د افغانستان په جنوبی او ختيځو برخو کې د طالبانو د له منځه وړلو لپاره د دوهم پړاو په عملياتو پيل وکړ.
دغه عمليات له ٢٠٠١ کال وروسته د طالبانو پر ضد تر نورو ستر پوځی عمليات ګڼل کيږی. په دغو عملياتو کې به د نړيوالو ائتلافی پوځونو او د افغانستان د حکومتی پوځ څه نا څه يوولس زره تنه سرتيري برخه واخلي. د امريکايی پوځيانو په قول د دغو عملياتو د پای ته رسيدو وخت نه دی ټاکل شوی او د روان کال د اپريل او می په مياشت کې د افغانستان په ختيځ کې د طالبانو د له منځه وړلو په موخه پيل شوی عمليات لا تر اوسه پای ته نه دی رسيدلی او امريکايی پوځ به د دغه هېواد له حکومتی پوځ سره يو ځای د حکومت ضد سيمه ايز مخالف ځواکونه په پوره توګه له منځه يوسی.