د پاکستان د خبري رسنيو د نومبر د دوولسمی نيټی د خبر له مخې پاکستان ، افغانستان او ناټو د روانې مياشتی په يوولسمه نېټه په ګډه له دې سره موافقه وکړه چې د افغانستان په کابل کې د پوځی استخباراتو يو ګډ مرکز جوړ کړي تر څو له ترهګرو فعاليتونو سره مبارزه وکړي .
نوموړو دريواړو خواوو دغه پلان په کابل کې په يوه لوړ پوړی پوځی غونډه کې جوړ کړ .په افغانستان کې د ناټو پوځ ستر قوماندان داويد ريچاردس ، د افغانستان او پاکستان د پوځونو لوړ پوړی چارواکيو په غونډه کې ګډون وکړ . په غونډه کې پريکړه شوې چې د استخباراتو مرکز به د دريواړو خواوو د پوځی کارکوونکو له خوا جوړ شي .
برسيره پر دې په غونډه کې د پاکستان او افغانستان تر منځ د سرحدی سيمو د امنيت د حالاتو په هکله هم بحث وشو .
