د سين هوا اژانس د خبر له مخې، په اروپا کی د ناتو د متحدو ځواکونو لوړ پوړی قوماندان جامس جونس د نومبر په دوه ويشتمه نېټه په بروسيل کی وويل په افغانستان کی د ناتو عمليات د سرتيريو د کمښت له ستونزی سره مخامخ دي، نو ناتو بايد لږ تر لږه دوه زره او پنځه سوه تنه نور سرتيری افغانستان ته ور وليږي.
جونس په همدې ورځ په يوه مطبوعاتی غونډه کی وويل د ناتو سرمشريزه غونډه به د روانې مياشتې په اته ويشتمه او نهه ويشتمه نېټه د ليتويا په پلازمينه ريګا کی تر سره شي. اوس اړوندې خواوې افغانستان ته د نورو زياتو سرتيريو د ورليږلو مسئلې په اړه د ناتو له غړيو هېوادونو سره په سلامشورې بوختې دی چی په دغه سرمشريزه غونډه کی به پرېکړه پری وشي.
