روغتون د انسان د روغتيا ساتلو ضمانت دی او هر څوک ترې جلاکيدای نه شی، خو د معلوماتو عصر په رارسيدو سره به روغتونونه هم اصلاح شی٠ پوښتنه دا ده چی په يوويشتمه پيړۍ کی به روغتون څرنګه وی؟ د بريتانيا پروفيسر فيمی د راتلونکی روغتون په نامه په خپل کتاب کی اټکل کړی چی ماشينی ډاکتران به په ٢٠١٠ کال کی مروج شی٠ په ٢٠٠١ کال کی په نيويارک کی د زړه د ناروغيو ډاکتر مارک د لومړی ځل لپاره د ماشينی ډاکتر په واسطه يو ناروغ ته د جراحی عمليات ترسره کړل ، په عين وخت کی ډاکتران کولی شی چی يو ډېر وړوکی ماشينی انسان د ناروغ په وجود کی وساتی٠ د ډاکترانو په خيال به يو داسی وړوکی ماشينی انسان جوړ شی چی د سرطان سلولونو د وژلو ، د وينو د لخته کيدو د مخنيوی او د درملنی په داسی نورو چارو کی رول ولوبوی٠
په دی وروستيو ورځو کی د درمل د يوی ګولۍ غوندی نوی کامره اختراع شوه چی د اټکل له مخی به دوه کاله وروسته عامه شی، کله چی دا ډول وړوکی ګولۍ د ناروغ له خوا وخوړل شی، ګولۍ به د ناروغ د هاضمی جهاز دننه عسکونه واخلی او د ډاکتر لپاره به د ناروغۍ نښه او ځای په ګوته کړی٠ دغه تخنيک د انترنيت له لاری په ليری ځای کی د ناروغۍ د پېژندنې لپاره لازمه تخنيکی زمينه برابرولی شی٠ اوس په ځينو پرمختللو هېوادونو کی د جراحۍ هوښيار چاقو کارول کيږی ٠ددغه چاقو په سر کی د يو ميليمتر په پلنوالی د ليزر يوه ډېره کوچنی ستن نصب شويده، دغه ستن
د انسان په وجود کی د وړانګو د طيف اندازه کولو له لاری د سرطان سلولونه تشخيص کولی شی چی د جراحۍ په وخت کی د ناروغ په وجود کی د سرطان مرغېړي پری کړی شی٠
له اوږدی مودی راهيسی هغه خيال لا تر اوسه ندی ترسره شوی چی سختو ناروغانو ته د مصنوعی وينو ورکولو له لاری د دوی ژوند وژغورل شی، د خوښۍ وړ خبره دا ده چی دغه خيال به ژر سرته ورسيږی٠ په امريکا ، اروپا او جاپان کی عالمانو د نانو تختيک په واسطه مصنوعی وينی جوړی کړی دی ، دغه وينی هر هغه ناروغ ته چی د وينو ګروپونه يی بيل دی، ورکول کيږي٠ د انسان وينی عمومأ په يخچال کی يوازی د دريو اوونيو لپاره ساتل کيږي، نو د اوږدی مودی لپاره د انسانی وينو ساتل ډېر مشکل کار دی ، خو مصنوعی وينی له شپږو مياشتو نه تر دوو کالو پوری په عادی تودوخه کی ساتل کيږی٠
