د سين هوا اژانس د خبر له مخې، د افغانستان او ناتو د انتلافی پوځ چارواکيو د جنورۍ په شپږمه نېټه د دغه خبر پخلی وکړ چې د روانې مياشتې له پنځمې نېټې څخه تر شپږمې نېټې پوری د افغانستان په ختيځ او جنوب کې د ناتو پر پوځونو باندی دوه بمی بريدونه وشول چې له امله يی پنځه تنه سرتيري ټپيان شول.
د دغه هېواد د پکتيکا ولايت والي اکرم خپلواک وويل چې د پنځمې نېټې په شپه د يو ځان مرګي بريد تر سره کوونکي له چاويدونکيو موادو ډک موټر د ناتو سرتيريو ته نژدی والوزاوه چې له امله يی څلور تنه سرتيري ټپيان شول او د بريد تر سره کوونکي سمدلاسه ووژل شو.
په قندهار ولايت کې د ناتو پوځ وياند اندری سالوم د دغه خبر پخلی وکړ چې په شپږمه نېټه د نوموړي ولايت په جاری سيمه کې د دوی ځواکونه د بم له يوې چاودنې سره مخامخ شول چې له امله يی يو تن سرتيری ټپی او يو پوځی موټر ويجاړ شو.
