د سين هوا اژانس د خبر له مخې، افغان او ځينو بهرنيو خبريالانو د اپريل په څلورمه نېټه د پلازمېنې کابل په ستاره هوټل کې يوه غونډه تر سره او غوښتنه يی وکړه چې يوه مياشت مخکی د طالبانو له خوا نيول شوی افغان خبريال او ژباړونکی اجمل نقشبندی خوشی شی او هم د افغانستان حکومت د خبريالانو امنيت په ښه توګه وساتی.
د تېر مارچ په پنځمه نېټه نقشبندی له يو ايتالوی خبريال او يو افغان موټروان سره يو ځای د افغانستان په جنوب کې د طالبانو له خوا نيول شوي، خو نيول شوي موټروان بيا ووژل شو. ياد شوي ايتالوی خبريال د افغانستان حکومت له خوا د طالبانو د پنځه تنو بندی شويو لوړ پوړيو چارواکيو له خوشی کولو وروسته ازاد شو، خو نقشبندی تر اوسه پوری له طالبانو سره بندی دی.
